Ndalet Barça, Suarez ia mohon fitoren Atleticos

22:41 | 14 Tetor 2017
Arbresh Info

“Blaugranët” janë ndalur në ndeshjen e xhiros së tetë duke ndarë pikët në derbin kundër Atleticos.

Pas shtatë fitoreve radhazi, Barcelona ka humbur pikë në La Liga duke barazuar me rezultat 1 me 1 në ndeshjen më të vështirë të sezonit deri tani kundër Atletico Madridit, shkruan portali arbresh.info.

Nikoqirët në Wanda Metropolitane kaluan të parët në epërsi në minutën e 21′ të ndeshjes pas supergolit nga Saul Niguez.

Skuadra e Diego Simeones shpresonte në arritjen e fitores historike kundër Barcelonës qysh pas sezonit 2009/10, por gjiganti katalunas u rikthye në lojë vonë përmes Luis Suarezit.

Reprezentuesi uruguaian shënoi me kokë në minutën e 82′ duke barazuar shifrat në 1 me 1.

Barcelona vazhdon qëndrimin në pozitën e parë në tabelë me 22 pikë, tri më pesë më shumë se Real Madridi në pozitën e dytë, ndërsa Atletico Madridi qëndron në pozitën e tretë me 16 pikë./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm