Nacho kapiteni i ri i Realit, pasi konfirmon kontratën e re njëvjeçare

19:00 | 11 Qershor 2023
Orgesa Haziri

Nacho Fernandez ka konfirmuar se do të nënshkruajë një kontratë njëvjeçare me Real Madridin dhe do t’ia marrë shiritin e kapitenit nga i larguari Karim Benzema.

Nacho ka konfirmuar se do të qëndrojë në Madrid edhe për të paktën një vit, pavarësisht se ka interes nga Roma, Inter Milan dhe MLS.

Ai do të mbajë gjithashtu shiritin e kapitenit për sezonin e ardhshëm, duke zëvendësuar kapitenin e mëparshëm Karim Benzema, i cili i është bashkuar Al-Ittihad në Arabinë Saudite.

“Kam vendosur të qëndroj në Real Madrid. Ka oferta si gjithmonë, por dua të qëndroj edhe një vit, jam shumë i lumtur për këtë”, ka thënë ai.

Mbështetësit e Madridit brohoritën që Nacho të qëndronte kur luanin me Athletic Club dhe ai tani ka konfirmuar se do të bëjë pikërisht këtë.

Ai ka qenë me klubin për të gjithë karrierën e tij dhe ka luajtur 319 herë për Los Blancos, duke fituar pesë herë Ligën e Kampionëve dhe La Ligën në tre raste./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm