Mesfushori francez, Nabil Fekir, është shumë afër kalimit në Premier League, te skuadra e Liverpoolit.

Fekir këtë sezon me skuadrën e Lyonit ka qenë i pandalshëm, dhe ishte një nga lojtarët më të mirë në këtë sezon në League 1.

Kapiteni i skuadrës në ndeshjen e fundit të Lyonit ndaj OGC Nice, që ishte vendimtare se a do të merrte pjesë në Ligën e Kampionëve për sezonin e ardhshëm, shpërtheu në lot dhe kjo tregon se ndoshta ishte ndeshja e tij e fundit në fanellën e famshme bardhë e kaltër.

Ai u zëvendësua në minutën e 83 dhe gjithë stadiumi e duartrokitë, duke bërë që ai të emocionohet.

https://twitter.com/Liddellpool/status/997954897373945856?ref_src=twsrc%5Etfw&ref_url=https%3A%2F%2Fmetro.co.uk%2F2018%2F05%2F20%2Ftearful-nabil-fekir-hints-lyon-farewell-amid-rumours-primed-join-liverpool-7561802%2F&tfw_site=MetroUK

Ndërsa, komentatori francez i Canal + gjatë ovacionit për Fekir, foli për transferimin e tij të Liverpoolit, duke thënë se është punë e kryer.

Pas përfundimit të takimit, Fekir u pytë nga gazetarët se a ishte ndeshja e tij e fundit dhe se kjo ndeshje ishte një përshëndetje me tifozët francez.

“Përshëndetje? Ndoshta, Frankly, me të vërtetë nuk e di”, u përgjigj Fekir.

“Unë zhvillova një super sezon këtu me Lyon, me stafin teknik dhe tifozët, përfundoi në mënyrën më të mirë. Tashmë është koha për të shikuar të ardhmen”, përfundoi mesfushori francez.

https://twitter.com/InsideGones/status/997940902806130689?ref_src=twsrc%5Etfw&ref_url=https%3A%2F%2Fmetro.co.uk%2F2018%2F05%2F20%2Ftearful-nabil-fekir-hints-lyon-farewell-amid-rumours-primed-join-liverpool-7561802%2F&tfw_site=MetroUK

Ndërsa, presidenti i klubit, Jean – Michel Aulas ka ndryshuar mendimin rreth situatës së Fekirit, pasi që më herët kishte deklaruar se ai nuk është në shitje për asnjë çmim.

“Ne dëshironim të dinim se në çfarë kompetecion do të merrnim pjesë sezonin e ardhshëm, para se të diskutonim. Unë gjithmonë i kam respektuar futbollistët e mij, duke iu dëgjuar dëshirat e tyre. Siç kam bërë me Alexander Laccazette dhe Corentino Tolisso”, përfundoi presidenti francez.

Liverpooli ka shfaqur interesim për Fekir që nga janari i këtij viti dhe tashmë po thuajse kanë arritur marrëveshje me lojtarin.

24 vjeçari këtë sezon në 39 paraqitje për Lyon ka realizuar 23 gola.

Gjiganti anglez më 26 maj zhvillon ndeshjen më të madhe në dekadën e fundit, ndaj Real Madridit në finale të Ligës së Kampionëve në Kiev të Ukrainës. /arbresh.info/