Mustafi ka një kërkesë për shokët e skuadrës: T’i fitojmë ndeshjet e mbetura

12:47 | 12 Maj 2017
Arbresh Info

Skuadra londineze, Arsenal është duke kërkuar një pozitë që do t’i dërgonte në Ligën e Kampionëve për edicionin e ardhshëm.

Fitorja në udhëtim tek Southampton i ka afruar dukshëm ‘Topçinjtë’ të cilët ndodhën në pozitën e pestë me 66 pikë, por kanë një ndeshje më pak se Liverpooli në pozitën e tretë me 70 pikë.

Mbrojtësi i bardh e kuqve, shqiptari Shkodran Mustafi ka thënë se duhet të luftojnë në tri ndeshjet e mbetura.

“Jam mirë dhe në formë tani pas lëndimit që kisha dhe më vije keq që i humba ato ndeshje”, deklaroi Mustafi.

Mustafi ka një kërkesë për shokët e skuadrës që t’i fitojnë ndeshjet e radhës për të arritur qëllimin.

“Kemi tri ndeshje të radhës para vetës dhe i bëjë apel shokëve të skuadrës të japim më të mirën nga vetja për t’i arritur pikët maksimale”.

“Shpresojmë që në fund do ta arrijmë qëllimin për të shkuar në Ligën e Kampionëve”, deklaroi Mustafi.

Kujtojmë që Arsenal ka fituar tri nga katër ndeshjet e fundit në Ligën Premier.

Shpërndaje në rrjete sociale

Lajmet më të lexuara

Të ngjashme

Foto lajm