Sulmuesi i Kosovës, Vedat Muriqi, është i nominuar për tre sulmuesit më të mirë të ligës spanjolle La Liga.

Muriqi është pjesë e listës së ngushtë bashkë me 10 futbollistë tjerë, përfshirë yjet si: Benzema, Lewandowski, Vinicius, Raphinha, Dembele, Griezmann e të tjerë.

“Pirati” i klubit spanjoll “RCD Mallorca” i ka realizuar 12 gola dhe i ka bërë tri asistime deri më tash këtë edicion në kampionatin spanjoll.

Dhe, kjo ka bërë që prizrenasi të marrë shpesh lëvdata nga klubi i tij por edhe nga liga spanjolle.

E tash, La Liga e ka përfshirë 28 vjeçarin në garë për të qenë pjesë e ekipit të vitit.

Ish-futbollisti i Fenerbahçes dhe i Lazios e sheh veten në mesin e 11 sulmuesve të nominuar, përfshirë këtu yjet si Benzema, Lewandowski, Griezmann, Vinicius Junior, Raphinha, Dembele, Iago Aspas, Borja Iglesias, Joselu dhe Enes Unal.

Natyrisht, konkurrenca është jashtëzakonisht e fortë, por tifozët e kanë mundësinë ta votojnë “Piratin” për të qenë pjesë e sulmit ideal të sezonit 2022/23 në La Liga.

Ky është linku ku mund të votoni për ta bërë pjesë të formacionit të sezonit Vedat Muriqin./Arbresh.info

https://www.ea.com/games/fifa/fifa-23/ultimate-team/tots/laliga-santander?utm_campaign=fifa23_hd_ww_ic_ic_ig_laliga-tots-vote-igs&utm_source=instagram&utm_medium=social&cid=76520&ts=1683032204573&fbclid=IwAR2_s5ZPeG15cJjfVmUrjuJKoTkP9VART_vp1Hf-uiFyHIAANrx8EBVqVxY