Muriqi i kënaqur me spektaklin kundër Lituanisë

23:44 | 24 Mars 2021
A. B.

Sulmuesi i Kosovës, Vedat Muriqi, ka folur për Super Sport pas fitores së madhe të Kosovës në miqësore kundër Lituanisë, prej 4-0, para ndeshjeve të rëndësishme kundër Suedisë dhe Spanjës.

Ai realizoi gol në këtë takim, të dytin për “Dardanët”.

“Te Kosova, gjithmonë ndihem mirë sepse kjo është shtëpia ime. Ishte një paraqitje shumë e mirë, me të cilën mund të ndahemi shumë të kënaqur”, tha ai.

“Kemi mundur të shënojmë të paktën gjashtë gola pasi lëshuam shumë raste në pjesëlojën e parë por kjo ndodhë. Megjithatë, në fund arritëm fitore dhe kjo është me rëndësi”.

Kjo miqësore për Kosovën ishte e rëndësishme para ndeshjeve kualifikuese për Botërorin “Katar 2022”.

Të dielën, Dardanë do të presin në Fadil Vokrri Suedinë e Zlatan Ibrahimovic, derisa të mërkurën (31 mars), do të udhëtojnë në Spanjë për t’u përballur me super ekipin e Luis Enriques. /Gazeta Express/

Shpërndaje në rrjete sociale

Lajmet më të lexuara

Të ngjashme

Foto lajm