Mourinho refuzon thashethemet rreth rikthimit në Real Madrid

14:42 | 22 Shkurt 2017
Arbresh Info

Jose Mourinho ka deklaruar se ka rënë në “dashuri” me detyrën në Manchester United, por ka përqeshur raportet se mund të rikthehet në Real Madrid.

Mediat spanjolle raportuan se trajneri portugez, i cili menaxhoi klubin në ‘Santiago Bernabeu’ gjatë viteve 2010 – 2013, do të jetë shënjestra kryesore e “Los Blancos” nëse Zinedine Zidane largohet nga klubi, transmeton portali arbresh.info.

“Kam kontratë edhe për dy vite në Manchester United dhe përderisa United nuk dëshiron që unë të largohem, atëherë kjo nuk do të ndodhë. Më pëlqen të punojë me këtë klub”, u tha Mourinho gazetarëve.

Ish trajneri i Portos, Chelseat dhe Interit mund t’i sigurojë skuadrës së tij titullin në ‘EFL Cup’ nëse mposhtë në finale Southamptonin të dielën./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm