Google ADS

Mourinho pranon se e meritoi shkarkimin nga Unitedi, por thotë se situata aktualisht është më e keqe

13:49 | 23 Shtator 2019
Arbresh.info

Jose Mourinho ka pranuar se e ka merituar shkarkimin nga posti i trajnerit të Manchester Unitedit, mirëpo nuk po e shijon vuajtjen e Djajve të Kuq nën drejtimin e Ole Gunnar Solskjaer.

Pas humbjes nga West Hami (2-0), Unitedi ka rënë në pozitën e tetë në tabelën e Ligës Premier, për ta shtuar presionin mbi trajnerin aktual.

Klubi ishte në vend të gjashtë kur e shkarkoi Mourinhon në mes të sezonit të kaluar, ndërkohë që tifozët nuk ishin të kënaqur me lojën defensive që bënte portugezi.

“U shkarkova, ndoshta e kam merituar, sepse unë isha përgjegjës si trajner, mirëpo realiteti i hidhur është se ata tash janë shumë më keq”.

“Dhe për mua, kjo është pikëlluese. Ndoshta njerëzit mendojnë se po e shijoj këtë situatë, por unë nuk po kënaqem aspak”, ka deklaruar Mourinho për Sky Sports. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm