Mourinho përballet me akuza për mashtrim tatimor në Spanjë

10:00 | 3 Nëntor 2017
Arbresh Info

Trajneri i Manchester United, Jose Mourinho pritet të shfaqet në një gjykatë në Spanjë për tu përballur me akuzat për mashtrim tatimor gjatë kohës së tij si trajner i Real Madridit.

Ai thuhet se ka borxh rreth 3.3 milionë euro, të siguruara nga të ardhurat e padeklaruara nga imazhi, megjithëse reprezentuesit e tij e mohojnë këtë, transmeton portali arbresh.info.

Pjesëmarrja e Jose Mourinhos në gjykatë nuk është konfirmuar, por portugezi ka ndryshuar rutinën e tij para ndeshjeve.

Konferenca e tij para ndeshjeve, e cila zakonisht zhvillohet të premten, është mbajtur të enjten.

Raportet pretendojnë gjithashtu që lojtarëve të Manchester United iu është thënë se ka ndryshuar edhe orari i stërvitjeve.

Autoritetet spanjolle filluan rastin kundër Mourinhos në muajin qershor dhe ai është paraparë të shfaqet në një gjykatë në Madrid dy ditë para vizitës së Manchester United në Chelsea./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm