Trajneri i Manchester United, Jose Mourinho ka lavdëruar sulmuesin Eden Hazard për karakterin e tij dhe pjekurin ndërkohë që vazhdon të përflitet për një ribashkim me të në të ardhmen.

Mourinho dhe Hazard është thënë se nuk kanë raporte të mirë gjatë edicionit të tmerrshëm të Chelseat në mbrojtje të titullit të tyre në sezonin 2015/16, kur belgu nuk arriti të realizojë asnjë gol të vetme para se trajneri të shkarkohej, transmeton portali arbresh.info.

Shumë e akuzuan Hazardin – madje edhe disa anëtarë të skuadrës së Mourinhos në Chelsea, duke thënë se sulmuesi nuk ka dashur ta tregojë vetën, por lojtari së fundmi ka insistuar se do të dëshironte të punonte sërish me Mourinhon.

Dyshja takohen në Stamford Bridge këtë vikend dhe Mourinho ka refuzuar pretendimet se ka pasur tensione mes tij dhe Hazardit.

“Ai është një djalosh i mirë”, ka thënë Mourinho për ‘Sky Sports’ kur është pyetur nëse Hazard mund të kishte bërë më shumë për të parandaluar shkarkimin e tij në Chelsea në dhjetor të vitit 2015.

“Ai ishte një djalosh i mirë gjatë kohës time dhe tani është një person i mirë, tri ose katër vite më shumë pjekuri ai ishte një fëmijë dhe tani është në burrë”

“Unë mendoj se ai e dinë se sa i mirë është, unë mendoj se ai e di se sa shumë ai mund të ndikojë në rrugën e skuadrës së tij gjatë sezonit”

“Në sezonin tim të parë ai ishte votuar si lojtari më i mirë në Premierë Ligë dhe skuadra ishte kampion”

“Në sezonin e dytë ai nuk ishte shumë i mirë, por as ne nuk ishim shumë të mirë”

“Më pas kur erdhi Antonio Conte, ai ishte lojtari më i mirë në Premierë Ligë dhe ata fituan titullin sërish dhe ai e di se me talentin e tij ai mund të ketë ndikim në fatin e skuadrës së tij”

Ndeshja mes “Bluve” dhe “Djajve të Kuq” zhvillohet nga ora 13:00./arbresh.info/