Villarreali ka bërë befasinë e radhës në Ligën e Kampionëve duke eliminuar nga gara edhe Bayern Munichun.
Asistuesi i golit të barazimit që i siguroi edhe kualifikimin në gjysmëfinale, Gerard Moreno, ka thënë se ai dhe bashkëlojtarët e tij kanë besuar në këtë arritje.
“Jemi shumë të gëzuar. Që nga shorti me Bayernin, i kemi thënë vetes se mund t’ia dalim. Besimi dhe mënyra si konkurron kjo skuadër, na ka ndihmuar ta arrijmë këtë”.
“Gabuam në ndeshjen e parë që nuk i dhamë fund duelit dhe të gjitha komentet na shërbyen si motivim për ne. Ata gabuan sot (e martë) që nuk e mbyllën dhe ne e shfrytëzuam. Kjo që ka bërë kjo skuadër është shumë e madhe”.
El gol de Samuel Chukwueze.#Bayern 1-1 #Villarreal. Global 1-2.
pic.twitter.com/YyTzwE1GuH— Bauti (@Bau_Nickk) April 12, 2022
“Do t’i qasemi gjysmëfinales me respekt për kundërshtarët tanë. Është shumë vështirë të fitosh në futboll, por ne merituam kualifikimin. E dinim se do të vuanim në mbrojtje, por do t’i shfrytëzonim rastet tonë dhe në fund, Chukwueze e bëri punën më të madhe”, ka thënë Moreno.
Në gjysmëfinale, Villarreali do të luajë me fituesin e sfidës ndërmjet Liverpoolit dhe Benficas. /Telegrafi/
Thotë se nuk e di kur është shpallur Pavarësia e Kosovës – V...
Policia Rajonale e Ferizajt shqiptoi 1 mijë e 407 gjoba gjat...
Gjobitet me 310 milionë euro platforma “LinkedIn”
Uji ende nuk mund të përdoret për pije, vazhdon të ketë mang...
Egjipti propozon armëpushim dyditor në Gazë
Lionel Messi reagon pas ‘shkatërrimit’ që i bëri Barcelona n...