Ish-presidenti i Interit, Massimo Moratti, e ka pranuar se ai bëri gabim që dyshoi te aftësitë e sulmuesit Romelu Lukaku, i cili ka shkëlqyer këtë sezon në Serie A.
Lukaku është duke e shijuar sezonin e tij më të mirë personal në karrierë si golashënues, pasi që e kaloi shifrën prej 27 golave që i kishte shënuar për Manchester Unitedin gjatë sezonit 2017/18 me dy golat që i shënoi në ndeshjen e Serisë A kundër Genoas, në korrik, ndërsa tani i ka plot 31.
Duke e arritur shifrën prej 30 golave të shënuara, Lukaku gjithashtu u bë sulmuesi i parë i Interit që arrin të shënojë kaq shumë gola që nga sezoni 2010/11, kur Samuel Eto’o i kishte shënuar 37 gola dhe Interi e kishte fituar tripletën.
Interi ishte kritikuar nga shumë tifozë për shpenzimin e 74 milionë eurove për transferimin e Lukakus nga Manchester Unitedi si zëvendësues të Romelu Lukakus, mirëpo Moratti thotë se Lukaku e ka dëshmuar veten.
“E kisha gabim për Lukakun”, e pranoi Moratti në një intervistë të dhënë për gazetën italiane Quotidiano Sportivo.
“Që të jem i sinqertë, unë mendoja se ai është thjesht fizikisht i fuqishëm dhe frikësohesha se do të pendoheshim që e lamë Icardin të shkojë. Në vend të kësaj, Romelu po del të jetë kampion, i ndihmon gjithmonë bashkëlojtarëve dhe ka vizion të mirë”.
“Antonio Conte bëri mirë që e kërkoi transferimin e tij dhe pastaj bëri punë shumë të mirë për ta përmirësuar atë si futbollist”.
“Nuk do të jetë e lehtë ta fitojmë Ligën e Evropës, pasi që kanë mbetur edhe katër klube shumë serioze, po unë shpresoj që Interi do të bëhet klubi i radhës italian që e ngre lart një trofe evropian”. /Gazeta Express/
Ushqimet e duhura për të shmangur ftohjen
Alexander-Arnold i përgjigjet raportimeve se po synon blerje...
Votimi për presidencialet e nëntorit/ SHBA, hapen zyrtarisht...
Taulant Xhaka paralajmëron rikthimin e vëllaut të tij tek Ba...
Moti i ligë në Tetovë – Shtëpi dhe oborre të përmbytura
OKB: Armëpushimi në Gaza, prioritet absolut dhe urgjent