Emocionet janë të mëdha para meçit të shumëpritur mes Tyson Furyt dhe Deontay Wilder në qendrën Staples më 1 dhjetor.

Rikthimi i Furyt në ring pas një pushimi prej rreth 30 muajve ka arritur kulmin në një luftë për titull, ndërkohë që Wilder është duke kërkuar të nënvizoj statusin e tij si njëri nga më të mirët duke mbrojtur titullin në WBC që e ka fituar thuajse që katër vite, transmeton portali arbresh.info.

Tashmë i faturuar si meçi më i madh i vitit, dyshja kanë shkëmbyer goditje ndaj njëri-tjetrit ku amerikani ka thënë se do ta mposhte Furyn edhe në periudhën e tij më të mirë, ndërsa anglezi e ka quajtur Wilderin “një kalë i vogël” gjatë një interviste me Joe Rogan.

Madje edhe Mike Tyson është përfshirë në këtë retorikë, pasi Fury ka shprehur zemërimin ndaj komenteve mos-respektuese të kundërshtarit të tij rreth ish kampionit trashëgues të botës.

E gjithë kjo vazhdoi edhe të enjten kur 30-vjeçari nxori një gazetar nga konferenca për shtyp në bazën e tij në Kaliforni para se të fillonin madje procedurat.

‘Gypsy King’ identifikoi Elie Seckbachin nga ‘EsNews’ në mesin e mediave dhe kërkoi që ylli i platformës së YouTubes të largohej.

“Largojeni atë. Nuk e dua atë përreth meje. Ai është një urryes. Faleminderit Elie, shihemi pak pak”, kishte thënë Fury.

Zyrtari i konferencës për shtyp tentoi të përkrah gazetarin, por me shpejtësi ishte ndërprerë nga Fury, i cili e përshkroi SeckBachin si një “ku*** të vogël”

Besohet se reagimi i Furyt është si një përgjigje ndaj komenteve të Seckbachit në lidhje me meçin për shkak se gazetari tashmë ka përkrahur Wilderin në mbrojtjen e titullit të tij në WBC.

Ai gjithashtu ka kritikuar Furyn në kanalin e tij në Youtube ku ka mbi 626 milionë shikime.

Sechback përshkroi meçin e Furyt në vitin 2015 kundër Wladimir Klitschkos, në të cilin ai e fitoi titullin për pesha të rënda, si “meçin më të keq që ka parë ndonjëherë”./arbresh.info/