Mohamed Salah përlotë të gjithë, luan me një tifoz pa këmbë

17:27 | 14 Gusht 2019
Arbresh Info

Ylli i Liverpoolit, Mohamed Salah ka përlotur tifozët në momentin kur filloi të luaj me top me disa tifozë me aftësi të kufizuara.

“Redsat” janë në Stamboll për finalen e tyre në Superkupë kundër Chelseas, transmeton portali arbresh.info.

Skuadra e Jurgen Klopp ka fituar një vend në këtë event pasi mposhti 2 me 0 skuadrën e Tottenham Hotspur në finale të Ligës së Kampionëve.

Egjiptiani e nisi sezonin e ri me ndeshjen ndaj Norwichit javën e kaluar duke shënuar një gol dhe krijuar një asistim. Por, pamjet kanë shfaqur se 27-vjeçari ka qenë duke shijuar disa momente edhe me tifozët me aftësi të kufizuara.

Në një video shihen “Redsat” duke u stërvitur në Vadafone Arena.

Ata ishin të shoqëruar me disa fëmijë nga Fondacioni i UEFA-së.

Njëri prej tyre është një djalosh pa këmbë, por kjo nuk e ndalte atë për të shijuar disa kombinime me superyllin e gjigantit në Premierë Ligë./arbresh.info/

https://twitter.com/ChampionsLeague/status/1161546490382303233

https://twitter.com/LFC/status/1161350357055934464

Shpërndaje në rrjete sociale

Lajmet më të lexuara

Të ngjashme

Foto lajm