“Mohamed Salah e do kalimin të Barcelona dhe Koeman e do në skuadër”

17:36 | 13 Shtator 2020
Arbresh Info

Barcelona është duke provuar të transferojë yllin e Liverpool-it, Mohamed Salah, ndërsa vet lojtari është i hapur për këtë kalim, sipas shokut të ngushtë të Ronald Koeman-it, Sjaak Swart.

Koeman është duke provuar të rindërtojë skuadrën katalunase dhe këtë e ka dëshmuar duke larguar lojtarët, si Ivan Rakitic, Luis Suarez dhe Arturo Vidal, këta dy të fundit janë afër largimit, transmeton portali arbresh.info.

Në listën e transferimeve të Koeman-it ndodhet edhe egjiptiani, i cili gjithashtu është i interesuar për të luajtur në “Camp Nou”.

Këtë e ka zbuluar miku i ngushtë i Koeman-it, por nuk ka dhënë shumë detaje.

“E di që Koeman e do Salah dhe e di që lojtari dëshiron të transferohet”.

“Nuk mund të flas për detajet e tjera, por me besoni që e di”, deklaroi ai.

Koeman gjithashtu ia ka bërë me dije klubit blaugranas të transferojë edhe dyshen holandeze Gini Wijnaldum dhe Memphis Depay, me këtë të fundit ka arritur marrëveshje./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm