Ministri i Sportit të Italisë: Serie A duhej suspenduar më herët

23:35 | 13 Mars 2020
Arbresh.info

Ministri i Sportit të Italisë, Vincenzo Spadafora, ka thënë se Serie A duhej të ishte ndaluar më parë.

Koronavirusi, tashmë i shpallur si pandemi, ka prekur Italinë më së shumti nga të gjitha vendet e Evropës.

Në këtë vend është afektuar edhe sporti, ku deri më tani është pezulluar kampionati si dhe gjashtë lojtarë rezultojnë të konfirmuar me Covid-19.

Me gjithë këto ngjarje, Spadafora është i bindur se Serie A është dashur të suspendohet më parë.

“Futbolli është botë në vete: Kishte kohë kur Lega Serie A nuk donte të mbante përgjegjsi, siç duhej bënte” ka thënë Spadafora, transmeton lajmi.net.

“Ne e bëmë atë si qeveri, për të mbrojtur interesat. Tani nuk është më kontroverse, pasi ka lojtarë të prekur. Ne do të preferonim të ndalnim ligën më parë, por më mirë vonë se kurrë” ka shtuar ministri.

Italia ka suspenduar kampionatin deri në kohë të pacaktuar dhe thuhet se kampionati mund të vendoset vetëm me ‘Play Off’.

Mbetet të shihet se cili do të jetë vendimi i ardhshëm.

Shpërndaje në rrjete sociale

Lajmet më të lexuara

Të ngjashme

Foto lajm