Milot Rashica pritet të mungojë rreth një muaj për shkak të lëndimit

18:04 | 3 Dhjetor 2021
Lorik Gerbeshi

Milot Rashica pritet të jetë jashtë fushave për së paku një muaj për shkak të lëndimit.

Rashica nuk u përfshi në skuadrën e Norwich Cityt për ndeshjen e fundit kundër Newcastle United në të cilën barazuan me rezultat 1-1.

Trajneri i skuadrës angleze, Dean Smith, ka konfirmuar lëndimin e sulmuesit kosovar, derisa ka thënë se pritet të mungojë rreth një muaj.

“Ne menduam se Miloti kishte një problem të lehtë në ijë, por pas një skanimi, duket lëndim më serioz. Mendojmë se ai do të jetë jashtë fushës për tre deri në katër javë”, ka thën Smith.

Vushtrriasi deri më tani ka zhvilluar 13 paraqitje në Premier League ku ka regjistruar një asistim./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm