Milani në stres, para duelit me Lazion i lëndohet ylli i skuadrës

13:23 | 3 Nëntor 2019
Arbresh Info

Të enjten erdhi nga stoli dhe i dhuroi Piolit fitoren e parë si trajner i Milanit, por mbrëmjen e sotme ndaj Lazios, spanjolli Suso nuk do të jetë në dispozicion të skuadrës për shkak të një dëmtimi muskulor.

Lajmi është dhënë nga mediat italiane, sipas të cilave spanjolli është dëmtuar pasditen e djeshme në seancën e fundit stërvitore dhe ka shtuar telashet për trajnerin Pioli, që e ka pranuar se beson shumë te Suso.

Përveç tij, tekniku kuqezi do të duhet të bëjë llogaritë edhe me mungesën e qendërmbrojtësit Musacchio, i cili u dëmtua në ndeshjen ndaj Spalit, megjithatë në vendin e tij pritet të konfirmohet sërish braziliani Duarte.

Sa i përket formacionit që Pioli do të hedhë sonte, pritet që të konfirmohen thuajse të gjithë ata që luajtën ndaj Spalit, me përjashtim të Musacchios, ndërsa dilema ka për majën e sulmit, mes Piatek dhe Leaos.

Shpërndaje në rrjete sociale

Lajmet më të lexuara

Të ngjashme

Foto lajm