Google ADS

Milani i ndryshon kushtet e ofertës për Ibrahimovicin

17:23 | 24 Dhjetor 2019
A. B.

Zlatan Ibrahimovic është shumë pranë që të kthehet te Milani, duke qenë se kohëzgjatja e kontratës do të varet nga performancat e tij.

Sulmuesi veteran është lojtar i lirë prej se i ka përfunduar marrëveshja me skuadrën amerikane, LA Galaxy.

Sipas La Gazzetta dello Sport dhe Corriere della Sera, Rossonerët duan t’i ofrojnë kontratë gjashtë mujore me opsionin për ta vazhduar edhe për një sezon të plotë.

Në fillim ishte diskutuar që vazhdimi i kontratës të lidhej me pjesëmarrjen apo jo të Milanit në garat evropiane, mirëpo kjo tash ka ndryshuar.

Ibrahimovic do të mund të qëndrojë për 18 muaj në San Siro në rast se luan mirë në gjashtë muajt e parë, gjegjësisht në pjesën e dytë të këtij sezoni. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm