Milani është i interesuar ta transferojë mesfushorin e Manchester Unitedit, Nemanja Maticin, sipas La Gazzetta dello Sport, mirëpo po përballet me konkurrencë nga Atletico Madridi.
Mesfushori serb i Manchester Unitedit, Nemanja Matic, vazhdimisht është spekuluar për një transferim të mundshëm te rivali i qytetit i Milanit, Interi, pasi që edhe trajneri Antonio Conte shihet si adhurues i madh i 31-vjeçarit, transmeton Gazeta Express.
Dyshja Conte- Matic kishte punuar bashkë për një sezon në Chelsea, kur klubi londinez u shpall kampion i Premierligës gjatë sezonit 2016/17.
Megjithatë, La Gazzetta dello Sport tani raporton se kuqezinjtë tani janë të interesuar për Maticin.
Mesfushori e ka humbur vendin e tij në formacionin e parë të Manchester Unitedit nën Ole Gunnar Solskjaerit dhe i ka bërë vetëm shtatë paraqitje në të gjitha garat këtë sezon, shkaku edhe i lëndimeve.
Kontrata e tij përfundon në qershor të vitit të ardhshëm dhe mediat italiane besojnë se Milani do ta transferojë futbollistin gjatë afatit kalimtar të janarit për një shumë të vogël parash, ndërsa futbollisti kërkon kontrata deri në qershor 20022.
Megjithatë, klubi kuqezi s’do ta ketë të lehtë ta sigurojë transferimit e serbit, pasi që për të është interesuar edhe Atletico Madridi. /Gazeta Express/
Goditet grupi i trafikut ndërkombëtar të drogës në Itali, “m...
SBASHK-u paralajmëron Qeverinë dhe MASHTI-n: Së shpejti do t...
Balluku: Diskutimet për ndërtimin e bazës së NATO-s në Porto...
Prokuroria Speciale ngrit aktakuzë ndaj 24 zyrtarëve policor...
LDK-ja sot në Viti, Abdixhiku fton qytetarët që të bëhen pje...
Vullneti: Është duke u ngushtu rrethi, na duhen banorë që na...