Milan në pozitë të mirë për të transferuar Alvaro Moratan?

11:17 | 24 Maj 2017
Arbresh Info

Raportet nga mediat spanjolle pretendojnë se Milan është në pozitë të mirë për të nënshkruar me sulmuesin e Real Madridit, Alvaro Moratan.

24-vjeçari u rikthye në ‘Santiago Bernabeu’ verën e kaluar pasi ‘Los Blancos’ aktivizuan klauzolën e riblerjes të përfshirë në marrëveshjen që e dërgoi atë te Juventusi, transmeton portali arbresh.info. “Rossonerët” kanë qenë duke kërkuar transferimin e reprezentuesit spanjoll në të kaluarën, por besohet se ai preferonte transferimin në Premierë Ligë.

Megjithatë, ‘Marca‘ raporton këtë mëngjes se Morata është duke u kërkuar shumë për transferim në ‘San Siro’, ku i është garantuar edhe një pozitë në formacionin startues.

Përveç kësaj, ai tashmë ka eksperiencë në ligën italiane dhe gruaja e tij, me të cilën janë takuar në Torino, është italiane. Mbetet të shihet nëse Madridi do të jetë i hapur për të shitur Moratan, por në rast se kjo ndodhë atëherë gjiganti spanjoll kërkon ende rreth 60 milionë euro./arbresh.info

Shpërndaje në rrjete sociale

Lajmet më të lexuara

Të ngjashme

Foto lajm