Milan gjen zëvendësuesin e Giroud, por ka një problem

16:47 | 28 Maj 2024
D.H

Me largimin e Olivier Giroud drejt MLS në Amerikë, Milan-i është në kërkim të një qendërsulmuesi.

Sipas raportimeve të medieve italiane emri më i pëlqyer dhe që ndiqet prej kohësh nga klubi “kuqezi” është ai i golashënuesit të dytë më të mirë në Europë, për sezonin që sapo u mbyll, Serhou Guirassy.

Megjithatë një transferim i tillë duke shumë i vështirë për të ndodhur, pasi sulmuesi i Stuttgart-it ka shumë adhurues në të gjithë Europën, e në veçanti në Premier League.

Guirassy mund të blihet lehtë pasi klauzola e lirimit të tij është 17.5 milionë euro, megjithatë mbetet për t’u parë se cili kampionat do të jetë zgjedhja e sulmuesit për të ardhmen, si dhe rroga që do t’i ofrohet, pasi tashmë dihet që forca monetare e klubeve angleze i mposht të gjithë të tjerët.

Megjithatë nëse lojtari i Stuttgartit do të dëshironte një eksperiencë në Serie A, Milan është i gatshëm për ta pritur në ekip./ss

Shpërndaje në rrjete sociale

Lajmet më të lexuara

Të ngjashme

Foto lajm