Mikel Arteta kërkon nga Arsenali mesfushorin e Juventusit

11:14 | 26 Dhjetor 2019
Arbresh Info

Trajneri i ri i Arsenalit, Mikel Arteta ka kërkuar nga klubi transferimin e mesfushorit të Juventusit, Adrien Rabiot.

Tekniku spanjoll ka nënshkruar kontratë trevjeçare e gjysmë me “Topçinjtë” të premten e kaluar, transmeton portali arbresh.info.

Arteta është ndarë i kënaqur me skuadrën e Arsenalit, mirëpo dëshiron të bëjë disa përforcime.

Sipas The Times, mesfushori i Juventusit, Adrien Rabiot mund të jetë transferimi i parë.

Francezi iu bashkua “Zonjës së Vjetër” si lojtar i lirë gjatë afatit veror dhe ka bërë vetëm pesë paraqitje në formacionin startues ndërsa shpreson që të largohet nga Juve në formë huazimi.

Arsenal sot (e enjte) do luajë kundër Bournemouth./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm