Mido humb 37 kg, kërkon të përfshihet në skuadrën e Egjiptit

14:58 | 2 Qershor 2018
Arbresh Info

Ish sulmuesi i Celta Vigos, Mido ka humbur 37 kilogram dhe në mënyrë qesharake ka kërkuar të përfshihet në skuadrën e Egjiptit për Kampionatin Botëror si rezultat i kësaj.

Ai ka zbuluar se përqeshjet dhe ofendimet që ka pranuar nga shumica e njerëzve në rrjete sociale e kanë inspiruar atë që bëjë një ndryshim në jetë, transmeton portali arbresh.info.

Mido postoi një foto të tij në rrjetin social Twitter duke treguar se sa shumë ka ndryshuar dhe më pas i bëri edhe një lutje trajnerit të Egjiptit, Hector Cuper.

“Zotri Cuper, e di që je në kërkim të një sulmuesi që mund të mbaj topin për ju në kundërsulme!”, shkroi ai.

“Kam shënuar nga një gol në çdo dy ndeshje për Egjiptin, prandaj ju garantoj një gol nga unë në Kampionatin Botëror brenda tri ndeshjeve në grupin tonë”

/arbresh.info/

https://twitter.com/midoahm/status/1001800893828878338

Shpërndaje në rrjete sociale

Lajmet më të lexuara

Të ngjashme

Foto lajm