Mesut Ozili refuzoi një klub befasues vitin e kaluar

16:23 | 19 Dhjetor 2018
Arbresh Info

Mesut Ozili ka refuzuar transferimin te gjiganti në Itali – Interi.

Sipas mediave në Gjermani, mesfushori i Arsenalit ka refuzuar vitin e kaluar shansin për transferim në Inter, transmeton portali arbresh.info.

30-vjeçari ishte në bisedime për një kohë të gjatë rreth rinovimit të kontratës me “Topçinjtë” gjatë sezonit të kaluar për shkak se marrëveshja e atëhershme do të skadonte më 30 qershor të këtij viti.

Në janar, ai nënshkroi kontratën e re duke vazhduar qëndrimin të paktën deri më 2021 si dhe duke u bërë lojtari më i paguar në klub. Por, ‘SportBild’ tani pretendon se Ozil ka refuzuar një ofertë nga “Nerazzurrët” në vitin 2017.

Ozil ka pasur probleme për të qenë pjesë e rregullt te skuadra nën udhëheqjen e Unai Emery këtë sezon, por gazeta e lartpërmendur gjermane thotë se lojtari nuk ka ndërmend të largohet në janar nga klubi./arbresh.info/

https://twitter.com/cfbayern/status/1075295250728525824

Shpërndaje në rrjete sociale

Lajmet më të lexuara

Të ngjashme

Foto lajm