Mesut Ozil me mesazh për tifozët e Arsenalit pas lidhjeve për transferim në Man Utd

23:54 | 21 Tetor 2017
Arbresh Info

Mesut Ozil insiston se ai nuk do të shpërqendrohet nga thashethemet e vazhdueshme që e lidhin atë me transferim te Manchester United.

Reprezentuesi gjerman nuk ka nënshkruar ende kontratë të re me Arsenalin dhe marrëveshje e tij aktuale skadon në verën e vitit të ardhshëm, transmeton portali arbresh.info.

Raportet në fillim të javës pretenduan se 29-vjeçari tashmë iu ka thënë bashkëlojtarëve se ka ndërmend të ribashkohet me trajnerin Jose Mourinho në Old Trafford.

Sidoqoftë, Ozil me një mesazh të thjeshtë iu ka drejtuar tifozëve përmes rrjeteve sociale.

“Injoroni zërat dhe qëndroni të fokusuar”, ka shkruar ish ylli i Real Madridit në rrjetin social Twitter.

Mesut Ozil ishte pjesë e stërvitjeve të Arsenalit të shtunën para ndeshjes së tyre ndaj Evertonit të dielën./arbresh.info/

https://twitter.com/MesutOzil1088/status/921776972803473408

Shpërndaje në rrjete sociale

Lajmet më të lexuara

Të ngjashme

Foto lajm