Mesut Ozil kërkohet nga një klub befasues

14:06 | 11 Shtator 2018
Arbresh Info

Mesut Ozil është duke u përfolur për një transferim tronditës te Fenerbahce.

Raportet janë duke sugjeruar që ekziston një mosmarrëveshje mes reprezentuesit të Gjermanisë dhe trajnerit të “Topçinjve, Unai Emery, i cili zëvendësoi francezin Arsene Wenger gjatë verës, transmeton portali arbresh.info.

Ozil nënshkroi kontratë të re me klubin nga veriu i Londrës në muajin janar, megjithëse ai mund të vendos për largim nga klubi kur të rihapet merkato e transferimeve.

Ish lojtari i Real Madridit kishte një verë mjaftë të vështirë me Gjermaninë pas eliminimit nga fazat grupore të Kampionatit Botëror, ndërkohë që në aspektin personal lojtari është kritikuar për fotografinë e bërë me presidentin turk Rexhep Taip Erdogan, ndonëse insiston se ajo nuk ka ndonjë lidhje politike.

Paraqitja e tij e ardhshme për Arsenalin do të jetë e dyqinda brenda të gjitha kompeticioneve, kohë gjatë të cilës ai ka shënuar 37 gola dhe ka fituar tri herë Kupën FA./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm