Lionel Messi ka mbajtur konferencën e parë për shtyp pas konfirmimit si lojtar i ri i Paris Saint-Germain, teksa ka thënë se trajneri Mauricio Pochettino dhe lojtarët e ekipit ia lehtësuan atij zgjedhjen e ekipit të ri.
Paris Saint-Germain konfirmoi dje (e martë) gjatë mbrëmjes zyrtarisht transferimin e Messit si lojtar i lirë.
Messi nënshkroi një marrëveshje dy-vjeçare me PSG-në me opsion për të vazhduar për një vit të tretë, teksa pritet të fitojë plot 35 milionë euro në vit.
Transferimi i Messit në Parc des Princes është ndihmuar tërthorazi edhe nga trajneri Pochettino dhe lojtarët e PSG-së.
Është vet sulmuesi argjentinas, i cili ka konfirmuar një gjë të tillë në konferencë për shtyp.
“Stafi i trajnerëve dhe skuadra kishin të bënin shumë me mua që zgjodha këtë klub”, ka thënë fillimisht Messi.
“Unë e njoh shumë mirë trajnerin Mauricio Pochettino. Fakti që ai është argjentinas më ndihmoi që në fillim, ishte e rëndësishme në vendimmarrjen time”.
“Në nivel familjar do të jetë një përvojë e bukur, ne jemi në një qytet spektakolar dhe do ta shijojmë. Jemi të relaksuar dhe të lumtur”, përfundoi argjentinasi. /Telegrafi/
Ndihmës Sekretari i Përgjithshëm i NATO-s: S’mendoj se jemi ...
Kurti viziton kompanitë vendore, pjesëmarrëse në panairin “S...
Diplomatja amerikane i ofron përkrahje Kievit për ta luftuar...
Man United me fitore të vështirë në shtëpi përballë Brentfor...
Starmer: Bota nuk do të tolerojë më justifikime nga Izraeli ...
Vajzat kërkojnë që Burimi të flejë me Rezin, Burimi refuzon:...