Messi mungon në stërvitje para ndeshjes kundër Athletic Bilbaos

19:23 | 9 Shkurt 2019
Arbresh Info

Kapiteni i Barcelonës, Lionel Messi ka munguar në seancën stërvitore të së premtes para ndeshjes së tyre të dielën kundër Athletic Bilboas.

Skuadra e Ernesto Valverde do të përballet me një test mjaftë të vështirë në San Mames derisa vazhdojnë garën për titull, por duket se ata do të jenë në mungesë të yllit kryesor të skuadrës, transmeton portali arbresh.info.

Reprezentuesi argjentinas është në fazën e rehabilitimit pas lëndimit në kofshë që e detyroi të largohet nga ndeshja kundër Valencias javën e kaluar, ndonëse është paraqitur në El Clasico në mesjavë kundër Real Madridit në kuadër të Kupës së Mbretit.

Valverde ka konfirmuar se Messi ka punuar i vetëm me stafin mjekësor të skuadrës që janë duke u përpjekur për të bëjë atë të gatshëm.

Sidoqoftë, ka lajme pozitive për liderin e La Ligas për shkak se Ousmane Dembele është rikthyer në stërvitje pasi mungoi në ndeshjen kundër Real Madridit për shkak të problemeve me bajame./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm