Messi merr çmimin “Pichichi” si golashënuesi më i mirë në LaLiga për sezonin e kaluar

15:25 | 29 Nëntor 2021
Lorik Gerbeshi

Lionel Messi gjatë së hënës ka pranuar çmimin “Pichichi”, të cilin e fitoi sezonin e kaluar kur u shpall golashënuesi më i mirë në LaLiga.

Argjentinasi fitoi këtë çmim për herë të tetë, ndërsa për herë të pestë radhazi, pasi përfundoi edicionin e kaluar me 30 gola.

Ai e fitoi çmimin përpara se të kalonte gjatë verës te PSG pas një kohe të gjatë me Barcelonën.

Në 35 ndeshje të zhvilluara edicionin e kaluar në LaLiga, ai shënoi 30 gola dhe dhuroi nëntë asistime.

Tre nga golat erdhën nga penalltia dhe tre të tjerë nga goditja e lirë. Në përgjithësi, Messi shënoi mesatarisht një gol çdo 101 minuta në sezon.

34-vjeçari ka fituar këtë çmim më shumë se çdo lojtar tjetër në histori të ligës spanjolle./Arbresh.info

Shpërndaje në rrjete sociale

Të ngjashme