Messi dëshiron që Griezmann t’i bashkohet atyre në Barcelonë

08:11 | 7 Qershor 2018
Arbresh Info

Lionel Messi shpreson të luaj së bashku me Antoine Griezmannin në Barcelonë pasi e vlerësoi yllin e shumëkërkuar të Atleticos si një “lojtar të mrekullueshëm”.

Griezmann është përfolur shumë për transferim te Barcelona gjatë sezonit dhe kampioni në La Liga nuk e ka mbajtur sekret interesimin e tyre në reprezentuesin francez, i cili ka thënë se do të konfirmoj të ardhmen e tij para Kampionatit Botëror, transmeton portali arbresh.info.

“Ai është një lojtar i mrekullueshëm dhe ne do të kuptonim njëri-tjetrin”, ka thënë Messi për ‘Mundo Deportivo’.

“Ai është duke kaluar një moment të jashtëzakonshëm në karrierën e tij. Ende nuk është 100 për qind, por sa më shumë kualitet që kemi, aq më mirë”

“Ne dëshirojmë të jemi skuadra më e mirë në botë dhe për të arritur atë ne duhet të shikojmë tek më të mirët”, shtoi Messi.

Sulmuesi 27-vjeçar ka një klauzolë 100 milionëshe në kontratën e tij me fituesin e Evropa Ligës për sezonin 2017/18./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm