Ylli i dikurshëm është shkarkuar zyrtarisht nga Jose Mourinho.

Real Sociedad ka njoftuar nënshkrimin me anësorin Adnan Januzaj nga Manchester United, transmeton portali arbresh.info.

22-vjeçari iu bashkua skuadrës në La Liga për një tarifë fillestare prej 8 milionë funta, megjithëse shifra mund të rritet deri në 9.8 milionë funta, transmeton portali arbresh.info. Manchester United poashtu i ka vendosur një klauzolë të riblerjes reprezentuesit të Belgjikës.

Januzaj në mënyrë sensacionale debutoi te skuadra e Manchester United si një 18-vjeçar duke shënuar dy gola kundër Sunderlandit në vitin 2013. Që nga atëherë, forma e tij ka rënë dhe pas sezoneve të kaluara në formë huazimi te Borussia Dortmundi dhe Sunderlandi, kosovari përfundimisht është larguar nga “Djajtë e Kuq”.

Forma fillestare e tij në Manchester United i siguroi atij ftesën në skuadrën kryesore të Belgjikës, por sulmuesi kishte gjithashtu mundësi të zgjedhte për të përfaqësuar atë kohë Kosovën ose Shqipërinë.

“Adnan Januzaj ka finalizuar transferimin nga Manchester United te Real Sociedadi”, shkruan në deklaratën e lëshuar në faqen zyrtare të Manchester United.

“I diplomuari nga akademia dhe reprezentuesi i Belgjikës ka nënshkruar me skuadrën që përfundoi në pozitën e gjashtë sezonin e kaluar në La Liga duke i dhënë fund karrierës te Old Trafford me 66 paraqitje dhe pesë gola”

“Mundësitë e tij ishin të vogla gjatë sezonit të parë nën udhëheqjen e Louis van Galit në Old Trafford dhe kjo bëri që ai të shpenzojë kohë si i huazuar te Borussia Dortmundi gjatë sezonit 2015/16, para rikthimit në pjesën e dytë të sezonit në United”

“Jose Mourinho i lejoi Adnanit të shpenzojë sezonin e kaluar në formë huazimi te Sunderlandi dhe tani 22-vjeçari ka marrë një vendim të vështirë duke u larguar nga Manchester United dhe të transferohet në San Sebastian”

“Të gjithë në Manchester United i urojnë Adnanit më të mirat në kapitullin e ardhshëm në karrierën e tij”/arbresh.info