Meriton Korenica vazhdon shkëlqimin, zë vend përsëri në formacionin e javës në Rumani

11:49 | 24 Dhjetor 2024
E.G

Mesfushori kosovar, Meriton Korenica ka vazhduar shkëlqimin me CFR Cluj në Rumani, duke e gjetur veten përsëri në formacionin më të mirë të javës.

CFR Cluj ka fituar me rezultat 3-2 ndaj Otelul në ndeshjen e vlefshme për javën e 21-të në Superligën e Rumanisë.

Njëri nga më meritorët në këtë fitore të vendasve, padyshim se ishte ylli kosovar, Korenica, i cili shënoi një gol dhe asistoi një tjetër.

Paraqitja e tij brilante bëri që Korenica të notohet me 9.0 dhe të përfundoj si pjesë e formacionit më të mirë të javës në SofaScore.

Korenica ishte lojtari i dytë me notën më të madhe këtë javë në Rumani, pasi vetëm Darius Olaru i FSCB kishte notë më të lartë, 9.9.

Vlen të theksohet se Korenica në 20 ndeshje deri tani këtë sezon ka shënuar 3 gola dhe ka asistuar 3 herë. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm