Mediat franceze tregojnë të ardhmen e Neymar Jr

16:58 | 18 Shkurt 2018
Arbresh.info

Superylli botëror, Neymar Jr, nuk do të largohet nga Paris Saint-Germain në afatin kalimtar të verës që do të vie.

Është duke u flitur se ish futbollisti i Barcelonës, do të rikthehet në futbollin spanjoll, te rivali i përbetuar, Real Madrid.

Sipas mediave franceze, ylli brazilian nuk do të largohet nga Parc des Princes, transmeton arbresh.info.

Gazeta “Telefoot” raporton se Neymar është duke planifikuar një ‘qëndrim afatgjatë’ me fanellën e klubit parisien.

25-vjeçari brazilian thuhet se dëshiron të mbetet në Parc des Princes për ‘shumë vite’ dhe të ndihmojë klubin të vendoset në krye të futbollit evropian.

Madridi ka qenë klubi më i lidhur ngushtë me sulmuesin, i cili shkon në Paris në një rekord botëror për 222 milionë euro nga gjigantët katalunas vitin e kaluar. /arbresh.info/

 

 

Shpërndaje në rrjete sociale

Lajmet më të lexuara

Të ngjashme

Foto lajm