Më 24 mars maratona “Vrapo në Paqe – Ta kujtojmë lirinë”

16:50 | 19 Mars 2019
Arbresh Info

Në Hajvali do të mbahet gjatë vikendit një mini maratonë për të kujtuar lirinë.

Të dielën, me datë 24 mars, do të mbahet një mini maratonë humanitare prej 5 km me moton “Vrapo në Paqe – Ta kujtojmë Lirinë” që do t’i kushtohet fillimit të bombardimeve të NATO-së dhe fillimit të lirisë së Kosovës, shkruan portali arbresh.info.

Maratona fillon në ora 12:30 dhe mbaron në ora 14:30, ndërkohë që në programin e kësaj maratone pjesë është një pikë muzikore për të argëtuar të pranishmit.

Numri u pjesëmarrësve pritet të jetë i madh për shkak se një numër i dukshëm i zyrtarëve të lartë kanë konfirmuar pjesëmarrjen.

Trupa nga Forcat e Sigurisë së Kosovës (FSK) po ashtu do të jenë të pranishëm në këtë maratonë.

Mjetet e grumbulluara nga shitja e numrave do të ndahet si donacion për “SH.M.U Shkëndija” Hajvali si dhe Handikosin.

Sponsor gjeneral i kësaj maratone është gjiganti Mabetex Holding./arbresh.info/

Çmimi minimal për pjesëmarrje është 2 euro

Shpërndaje në rrjete sociale

Lajmet më të lexuara

Të ngjashme

Foto lajm