Asnjë ekip në asnjë nga pesë ligat më të mira të Evropës nuk ka pranuar më pak gola se Interi deri më tani në sezonin 2023/24, dhe asnjë tjetër portier në ato liga nuk ka mbajtur më shumë portën e paprekur sesa nënshkrimi i verës së Nerazzurrëve, Yann Sommer.

Në Serie A, Interi ka pranuar vetëm shtatë gola nga 16 ndeshje. Kjo shifër është më pak se gjysma e numrit të golave ​​të pësuar nga liderët e Ligës Premier, Arsenal, i cili ka pranuar 15 sosh.

Ndërkohë, në Francë, Nice e Francesco Fariolit ka pranuar më pak gola në Ligue 1, 9 sosh, ndërsa Bayer Leverkusen në Bundesligë dhe Real Madrid i Carlo Ancelottit në La Liga kanë pranuar nga 12 gola deri më tani këtë sezon. Për krahasim brenda Italisë,

Napoli kishte pranuar 13 gola nga 16 ndeshjet e para të sezonit të Serie A në rrugën e tyre drejt titullit të fundit. Napoli e përfundoi sezonin me një total prej 26 gola të pranuar.

Interi dhe portieri kryesor Yann Sommer kanë mbajtur gjithashtu portën e paprekur më shumë në pesë ligat më të mira të Evropës në sezonin 2023/24 me 11 nga 16 ndeshje.

Sipas La Gazzetta dello Sport, vetëm një portier tjetër në të gjithë kontinentin ka mbajtur të njëjtin numër portash të pastra, Walter Benitez i PSV Eindhoven. /Telegrafi/