Google ADS

Mbappe mund të largohet këtë verë, nëse PSG-ja ia plotëson këtë kërkesë

23:25 | 23 Qershor 2023
K.B

Kylian Mbappe mund të jetë i hapur për t’u larguar nga Paris Saint-Germaini këtë verë nëse i plotësohet një kërkesë kryesore.

Reprezentuesi francez ka qenë i lidhur shumë me një largim nga “Parc des Princes”.

Mbappe ka vendosur që të mos rinovojë kontratën e tij, e cila skadon në verën e vitit të ardhshëm.

Ky vendim e tij ka shtyrë PSG-në që të jetë gati për ta shitur këtë verë, për të mos e humbur falas vitin tjetër.

Real Madridi vazhdon të jetë i interesuar për 24-vjeçarin, por deri me tani nuk ka bisedime apo diçka konkrete.

Sipas “Marca”, PSG dëshiron ta shesë atë këtë verë yllin e tyre për një çmim fillestar prej 200 milionë eurosh.

Megjithatë, Mbappe thuhet se është i hapur për t’u larguar menjëherë, nëse mbulohet viti i fundit i marrëveshjes së tij me klubin parisien.

Ai po kërkon të marrë 150 milionë euro, duke përfshirë 60 milionë euro paga dhe një bonus besnikërie prej 90 milionë eurosh./ge

Shpërndaje në rrjete sociale

Lajmet më të lexuara

Të ngjashme

Foto lajm