Trajneri i Juventusit, Massimiliano Allegri ka zbuluar se si planifikon të mposhtë skuadrën e Manchester United në Old Trafford në ndeshjen e nesërme në UEFA Ligë të Kampionëve.

Ndeshja në “Teatrin e Ëndrrave” nesër (e martë) është vlerësuar si “rikthimi në shtëpi” i superyllit Cristiano Roinaldo për shkak se sulmuesi do të rikthehet te klubi që është rritur dhe që ka fituar për herë të parë çmimin Topi i Artë dhe trofeun e UEFA Liga së Kampionëve, transmeton portali arbresh.info.

Cristiano Ronaldo dhe Max Allegri ishin në konferencën për shtyp të Juves para ndeshjes së nesërme dhe trajneri i “Zonjës së Vjetër” ka shpjeguar planet e tij se si synon t’i mposhtë “Djajtë e Kuq”.

“Ju duhet të luani shumë mirë teknikisht për të fituar, ata kanë teknik dhe fizikalitet. Ata janë një skuadër e fortë e ndërtuar për të fituar, Mourinho është një trajner i mrekullueshëm. Ne duhet të luajmë një ndeshje të mirë, madje të reagojmë ndaj barazimit kundër Genoas. Nëse ne nuk e kthejmë këtë në luftë fizike ne do ta paguajmë për këtë”

“Ne do të mbrohemi me tre ose katër. Ne do të luajmë një ndeshje me tepër të qartë dhe ne do të jemi mirë dhe të saktë me topin në këmbët tona sepse ne nuk e kemi armën për topa të gjatë. Nesër në mesfushë ne duhet të jemi të paktën numerikisht kundër tyre”

Takimi mes Manchester United dhe Juventusit zhvillohet nga ora 21:00./arbresh.info/