Tashmë raportet kanë zbuluar se Manchester United ka shfaqur interesim për trajnerin Massimiliano Allegri.

Por, ‘Calciomercato’ ka zbuluar disa detaje të tjera rreth bisedimeve që klubi ka pasur me rrethin e trajnerit të kampionit italian – Juventusit, transmeton portali arbresh.info.

Oferta e parë nga Manchester United është një kontratë 9 milionëshe për 3 vite me një buxhet prej 200 milionë euro në dispozicion për blerje të tjera.

Allegri vlerësoi ofertën e Manchester United dhe i është përgjigjur asaj, pas Juventusit, pasi klubi anglez është përzgjedhja e tij e dytë. Sir Alex Ferguson thuhet gjithashtu të ketë shprehur vlerësimin e tij personal për trajnerin italian, të cilin e konsideron si njëri nga më të mirët në Evropë.

Njëri nga emrat që Allegri mund të kërkoj te Manchester United është Sergeij Milinkovic-Savic dhe qëndrimin e Pobgas gjithashtu.

Mesfushori i lartpërmendur serb mund të transferohet nga Lazio në qershor të vitit të ardhshëm për një shumë prej 70 milionë.

Sigurisht se është ende herët për të mësuar diçka më shumë rreth të ardhmes së Allegrit dhe “Djajve të Kuq”, madje edhe pse ekziston Liga e Kampionëve ende si një mundësi për tu fituar. Ajo që është e sigurt është që nëse trajneri italian vendos të largohet nga Juventusi verën e ardhshme, destinacioni i tij i ri do të jetë padyshim Old Trafford./arbresh.info/