Barcelonës pritet t’i largohen shumë lojtarë këtë verë, por Lionel Messi nuk do të jetë njëri prej tyre.

Reprezentuesi argjentinas nuk ka dashur asnjëherë të largohet, por kontrata e tij aktuale skadon në vitin 2018, transmeton portali arbresh.info. Kjo ka bërë që trajneri i ri i Barcelonës Ernesto Valverde të bëjë prioritet negociatat për marrëveshje të re me superyllin.

29-vjeçari nuk ka shfaqur asnjë shenjë se është duke u ndalur duke kontribuar me 53 gola këtë sezon. Por, këto shifra tronditëse nuk ishin të mjaftueshme për t’i ndihmuar Barcelonës të ndaloj Real Madridin nga fitorja e La Ligës dhe Ligës së Kampionëve, megjithëse nuk ishte ky faji i sulmuesit Lionel Messi.

Derisa klubi po fillon një epokë të re nën udhëheqjen e Valverdes, tani është jetësore për ata që të “blindojnë” në klub yllin e tyre, gjë të cilën thuhet se e kanë arritur.

Një program në radio stacionin spanjoll ‘Cadena Ser’ është duke raportuar që marrëveshje e re e Lionel Messit është thuajse e përfunduar dhe do të nënshkruhet në muajin korrik për arsyeje llogarish.

Përveç kësaj, ekzistojnë edhe disa raporte që zbulojnë tjera detaje rreth vazhdimit të kontratës.

Fituesi i Topit të Artë për të pestën herë do të sigurojë një pagë vjetore prej 30 milionë euro si dhe do të ketë një klauzolë të lëshimit në kontratën e tij që është rritur nga 250 milionë euro në 400 milionë./arbresh.info