Google ADS

Marca: Laporte ka zgjedhur ta përfaqësojë Spanjën

16:04 | 11 Maj 2021
V. S.

Media spanjolle ‘Marca’ raporton se mbrojtësi francez Aymeric Laporte ka pranuar të vesh fanellën e Kombëtares së Spanjës në Evropianin e ardhshëm.

Laporte pritet ta përfaqësojë Spanjën në Evropianin 2020 që nis me 11 qershor, pra në muajin tjetër.

Zgjedhje befasuese për Laporten që ka qenë pjesë e Francës (11 ndeshje), U18 (9 ndeshje), U19 (2 ndeshje) dhe Espoirs (19 ndeshje), por që është zhgënjyer shumë nga mos zgjedhja e Didier Deschamps.

Në fakt, Laporte është ftuar tri herë nga Deschamps, dy herë në tetorin e vitit 2016, pastaj në marsin e 2017, por në këtë të fundit nuk kishte luajtur.

Që nga ajo kohë, qendërmbrojtësi i Cityt nuk ka dëgjuar asgjë nga stafi i Francës dhe kjo ka ndikuar që të ndryshojë vendim dhe të përfaqësojë Spanjën./lajmi.net/

Shpërndaje në rrjete sociale

Lajmet më të lexuara

Të ngjashme

Foto lajm