Mandzukic refuzon transferimin në PSG

22:09 | 28 Gusht 2019
Arbresh Info

Mario Mandzukic raportohet të ketë refuzuar një ofertë për t’iu bashkuar Paris Saint Germainit dhe do të vazhdojë qëndrimin në Juventus të paktën deri në janar.

Bazuar në raportet e fundit nga Sky Sports, Goal dhe të tjerat, reprezentuesi kroat ka refuzuar idenë për kalim në Parc des Princes, transmeton portali arbresh.info.

Ai ishte shënjestër e tyre pas lëndimit të Edinson Cavanit dhe çështjes së vazhdueshme në lidhje me të ardhmen e Neymarit.

Megjithatë, duket se Mandzukic nuk është i përgatitur për të marrë një vendim kaq të rëndësishëm në ditët e fundit të merkatos së transferimeve.

Ai rrezikon të mbetet jashtë skuadrës së Juventusit për Ligë të Kampionëve, por duket i vendosur për të vazhduar në Torino dhe për të rikonsideruar pozitën e tij në janar.

Manchester United kishte shtruar ofertë në fillim të verës për të dhe thuhet gjithashtu se para të mëdha ishin ofruar edhe nga Kina.

33-vjeçari ka kontratë te Juventusi deri në qershor të vitit 2021./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm