Google ADS

Mancini mund të marr drejtimin e Arabisë Saudite

18:51 | 27 Gusht 2023
Orgesa Haziri

Ish-trajneri i Italisë, Roberto Mancini thuhet se do të zbulohet si trajneri i ri i kombëtares së Arabisë Saudite.

Pak më shumë se dy javë pas dorëheqjes si trajner i Italisë, Mancini tashmë është gati të marrë drejtimin e kombëtares së Arabisë Saudite, shkruan Arbresh.info.

Italiani do të zbulohet si trajneri i ri i kombëtares të hënën në Riad, sipas Gazzetta dello Sport.

Mancini, i cili udhëhoqi Italinë drejt një triumfi të shkëlqyer në Euro 2020 dy vjet më parë, thuhet se do të fitojë 25 milionë euro në vit pasi nënshkroi një marrëveshje katërvjeçare si trajneri i ri i Arabisë Saudite.

Ndeshja e tij e parë në krye do të jetë kundër Kosta Rikës në një miqësore ndërkombëtare më 8 shtator në stadiumin e Newcastle United, St. James’ Park./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm