Manchester United rivalizon Barcelonën për Aubameyang

16:35 | 22 Mars 2020
Arbresh Info

Manchester United mund t’ia vështirësojë punët Barcelonës për transferimin e sulmuesit të Arsenalit, Pierre-Emerick Aubameyang.

Sipas Diario Sport, “Djajtë e Kuq” synojnë ta transferojnë sulmuesin me prejardhje nga Gaboni në verë, transmeton portali arbresh.info.

Thuhet se “Topçinjtë” do ta shesin Aubameyang sepse lojtari ka kërkuar largimin, ngase dëshiron të luajë në Ligën e Kampionëve, dëshirë të cilën nuk është duke mundur ta arrij me klubin anglez.

Mirëpo, Arsenal për kartonin e ish-yllit të Borussia Dortmund kërkon 55 milionë euro.

Ka spekulime të shumta që Barcelona e do me patjetër 30-vjeçarin, por garës i është bashkuar edhe rivali, United.

I interesuar për Aubameyang mbetet edhe Real Madrid, por objektivi kryesor i këtij të fundit është Erling Haaland./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm