Manchester United është duke shfaqur interesim të madh për mbrojtësin Enzo Diaz, i cili momentalisht luan për Agropecuario Argentino.

Këtë interesim e ka konfirmuar vet mbrojtësi argjentinas, transmeton arbresh.info.

Besohet se ditët e Luke Shaw janë të numëruara në Old Trafford dhe Jose Mourinho është i interesuar të gjejë zëvendësimin e tij para fillimit të sezonit 2018/19.

Djajtë e kuq janë lidhur me disa emra si Danny Rose i Tottenhamit dhe Alex Grimaldo i Benficas por mbrojtësi i krahut të majtë ka konfirmuar interesimin e klubit anglez.

“Unë e kam kuptuar për interesimin e tyre në mëngjesin e së shtunës dhe nuk kam biseduar me askënd tjetër përveq agjentit tim”, ka deklaruar ai për Ataque Futbolero.

“Agjenti më ka treguar se ata janë të kënaqur dhe se do të më shikojnë edhe në disa ndeshje tjera”, shtoi Diaz.

21 vjeçari e ka pranuar se ëndrra e tij është të luajë për Manchester United.

“Është ëndrra e çdo futbollisti që të luajë për Manchester United”, përfundoi mbrojtësi argjentinas.

/arbresh.info/