Manchester United-i kualifikohet në gjysmëfinale, në vazhdime siguron fitoren ndaj Copenhages

23:38 | 10 Gusht 2020
Arbresh Info

Manchester United-i ka bërë hapin e madh duke u kualifikuar në gjysmëfinale të Evropa Ligës me fitoren ndaj Copenhages.

“Djajtë e Kuq” fituan me rezultat të ngushtë 1 – 0, për t’u kualifikuar në raundin tjetër, shkruan portali arbresh.info.

Koha e rregullt përfundoi me rezultat të barabartë me vendasit që dominuan tërë ndeshjes.

Mason Greenwood shënoi në pjesën e parë, por goli u anulua shkaku i pozitës jashtë loje.

Ndërsa, raste të mira të cilat lehtësisht mund t’i shënonte ishin nga Anthony Martial, por nuk ia doli t’i konkretizoi.

Edhe mysafirët kishin disa mundësi, mirëpo assesi nuk ia dolën të gjejnë rrugën drejt golit.

Fitoren vendasve ia siguroi ylli i skuadrës Bruno Fernandes në vazhdime, në minutën e 94-të nga pika e bardhë.

Manchester United-i në gjysmëfinale do përballet me fituesin e ndeshjes Sevilla – Wolves./arbresh.info.

https://twitter.com/ricky91730734/status/1292934086869291008

Shpërndaje në rrjete sociale

Lajmet më të lexuara

Të ngjashme

Foto lajm