Google ADS

Manchester United dështon edhe ndaj Leicester Cityt, vetëm një pikë e fituar në “Old Trafford”

20:31 | 2 Prill 2022
Lorik Gerbeshi

Manchester United i ka ndarë pikët me Leicester Cityn në takimin që u luajt në kuadër të javës së 31-të në Ligën Premier.

45 minutat ishin të barabartë për të dyja skuadrat, që zhvilluan një lojë të kujdesshme.

Por, në pjesën e dytë – u pa një ritëm më i shpejtë i lojës, me çka edhe u shënuan të dy golat.

Ishte minuta e 63-të e takimit,kur Kelechi Ihenacho shënoi për 1-0 me anë të një asistimi nga James Maddison.

Por, Djajtë e Kuq nuk i lejuan mysafirët të gëzoheshin shumë, pasi vetëm tre minuta më vonë Fred (66) i barazoi shifrat për 1-1.

Maddison më pas tundi rrjetën e Unitedit në minutën e 80-të, por atë e anuloi VAR-i për pozicion jashtë loje.

Kështu, të dy skuadrat u larguar me nga një pikë në fund, duke vazhduar të rrezikojnë vendin për në garat evropiane.

Pas javës së 31-të, Manchester United gjendet në vendin e gjashtë me 51 pikë, aq sa ka edhe Tottenhami në të pestin, ndërsa Leicesteri është në të nëntin me 37 sosh.

Shpërndaje në rrjete sociale

Lajmet më të lexuara

Të ngjashme

Foto lajm