Manchester City rikthen interesimin për Lautaro Martinez-in

19:10 | 16 Korrik 2020
Arbresh Info

Manchester City është i sigurt që mund të mposhtë Barcelonën për transferimin e yllit të Inter-it, Lautaro Martinez.

Skuadra e Pep Guardiolës do bëjë disa transferime gjatë verës, pasi iu hoq dënimi për mospjesëmarrje në Ligën e Kampionëve, transmeton portali arbresh.info.

Sipas Sky Sports, Martinez është një ndër lojtarët në listën e tyre.

Guardiola e sheh argjentinasin si zëvendësuesi adekuat i Sergio Aguero-s.

City synon të përfitojë nga gjendja jo e mirë financiare e Barcelonës dhe të kompletojë transferimin e Martinez-it.

Barcelona thuhet se është e gatshme të shesë nëntë lojtarë për t’i rritur fundet për transferimin e Martinez.

Por, City është i gatshëm të paguajë klauzolën prej 98.5 milionë euro.

Martinez për “Neurazurët” ka shënuar 18 gola në 39 ndeshje këtë sezon./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm