Google ADS

Manchester City mundësia e vetme për Ronaldon, klubet tjera s’janë të interesuara

08:56 | 25 Gusht 2021
A. B.

Cristiano Ronaldo ka vendosur të largohet nga Juventusi këtë verë, por portugezi nuk ka shumë zgjidhje kur kanë mbetur vetëm edhe një javë deri në mbylljen e afatit kalimtar të verës.

Menaxheri i tij, Jorge Mendes, është duke bërë përpjekje ta dërgojë Ronaldon te ndonjë klub tjetër, por vetëm Manchester City ka shprehur interesim për të.

Sipas mediave italiane, Paris Saint-Germain dhe Real Madridi nuk janë të interesuara për portugezin.

Dëshira e 36-vjeçarit është t’i bashkohet kampionit të Premierligës, sipas gazetës franceze L’Equipe.

Po ashtu, thuhet se Ronaldo ua ka bërë me dije bashkëlojtarëve në Juventus se dëshiron t’i bashkohet Manchester Cityt.

Juventusi i kërkon 30 milionë euro apo ndonjë lojtar që ka atë vlerë, për ta liruar Ronaldon.

City mund ta blejë Ronaldon nëse dështon ta blejë sulmuesin e Tottenhamit, Harry Kane./GE/

Shpërndaje në rrjete sociale

Lajmet më të lexuara

Të ngjashme

Foto lajm