Google ADS

Manchester City konfirmon rikthimin e Guardiolas, pas operimit në shpinë

14:09 | 14 Shtator 2023
E.H

Pep Guardiola është rikthyer në stolin e Manchester Cityt pas operacionit në shpinë që e mbajti jashtë për tre javë.

Trajneri katalunas ishte në Barcelonë për tu operuar pas një problemi në shpinë dhe në mungesë të tij, skuadra drejtohej nga ndihmësi i parë Juan Manuel Lillo.

Megjithatë, nuk ka zgjatur shumë dhe eksperti i famshëm spanjoll tashmë është sërish gati për sfida të reja me klubin nga Etihad.

“Menaxheri u kthye në Akademinë e Futbollit të Cityt këtë javë pas shërimit të tij nga një operacion rutinë në shpinë në Spanjë muajin e kaluar”, thuhet në njoftim, transmeton telegrafi.

Fituesit në fuqi të Ligës së Kampionëve, Ligës Premier dhe Kupës FA mundën Sheffield United (2:1) dhe Fulham (5:1) në mungesë të Guardiolës për të qëndruar në krye të tabelës me katër fitore.

City të shtunën do të vizitojë West Hamin, ndërsa në fazën e grupeve të Ligës së Kampionëve të martën e ardhshme do të luajë në shtëpi kundër Crvena Zvezda.

Shpërndaje në rrjete sociale

Lajmet më të lexuara

Të ngjashme

Foto lajm